آخر الأخبار

مى طارق ….تكتب الحلقه التاسعه من “فارس احلامى “

مى طارق ….تكتب الحلقه التاسعه من “فارس احلامى “

كتبت /مى طارق

10634394_10152428936149480_949571812_n

قال عمر بغضب : معتز السيوفى
فريده : معرفش معتز ايه .
عمر : فريده ابعدى عن شاهيناز ديه يا فريده
فريده : من غير ما تقول ياعمر انا قلقت من طريقه كلامها و اسلوبها و كانى اعرفها من سنين
عمر : انا كده اطمن عليكى
فريده : بس انت عارف معتز ده منين
عمر : بصي يا ستى انا لما دخلت سنه اولى كان هو مدبلر اتعرفت عليه حاول يصاحبنى و انضم لشلته . لما حسيت انه مش كويس بعدت عنه و بعد كده سمعت عنه حاجات كتير وحشه و انه بتاع بنات و بيحشش و حاجات كتير من كده .
فريده : يالهوى كويس انك بعدت عنه
عمر : الحمد لله
فريده : مالك يا عمر ؟ فى حاجه ضايقتك
عمر : مفيش يا ديدا
فريده :مع انى مش مقتنعه انه مفيش بس خلاص هسيبك دلوقتى و لما تحب تقولى هتلاقينى بسمعك
عمر : ان شاء الله
و فى الناحيه الاخرى معتز يجلس مع ياسر فى كافيه بجوار الجامعه
ياسر : ايه يا عم رحت فين
معتز : مرحتش .
ياسر : ده انت مش معايا خالص
معتز : البت فريده ديه جامده مووووووووووت
ياسر : قولتلى ؟ فريده ؟انت و قعت ولا ايه
معتز : وقعت ايه يلا ديه عجبانى بس
ياسر : ايه يا ميزو عايز تضمها للسته ولا ايه
معتز : بفكر .
ياسر : حرام عليك يا معتز ديه شكلها طيب و غلبان و ملهاش في الصحوبيه
معتز : بكره تشوف ان مكنتش تجيلي راكعه مبقاش انا معتز
نظر ياسر بعيدا فرأى شاهيناز قادمه فقال و هو يهم بالانصراف: طب اسكت دلوقتى احسن شاهيناز ولو سمعتك هتبقي وقعتك سوده
نظر اليه معتز شزرا و قال : ليه يا عم هي كانت ولى امرى ما اتكلم براحتى . ايه رايك بقي ان شاهيناز هى الى هتساعدنى
ياسر : ده ايه الدماغ ديه . سكت للحظات ثم قال :ربنا يستر. سلام يا معلم
معتز : سلام
سلمت شاهيناز على ياسرو قالت : على فين
ياسر : مروح سلام
شاهيناز : سلام
قبلت معتزجلست بجواره و قالت : كنت بتتكلم فى ايه يا بيبي
معتز بمكر : كنا بنتكلم على فريده
غضبت شاهيناز و قالت : بتتكلم على فريده . طب انا مروحه
جذبها معتز من يدها و ضمها اليه و قبلها على وجنتها و قال : دايما كده ظلمانى . ده كان ياسر بيقولي انه شافها واقفه مع البنت الى اسمها ايمان و عشان انا عارف انك مش بتحبيها فقلت اقولك
لم يبدوا على شاهيناز الاقتناع و لكنها قالت : ماشي يا بيبي . انا هتصرف
معتز و كأنه لا يهمه الامر : ماشي يا حبيبتى
شاهيناز : مش عايز تعرف هتصرف ازاى
معتز : و انا اعرف ليه انا مالى
شاهيناز: طيب يا معتز . احنا هنفضل قاعدين فى الكافيه كتير
معتز : لأ طبعا يا حبيبى تحب تروحى فين
شاهيناز : اى مكان تعالى نروح ناكل فى ……………..
معتز : اوك . يلا بينا
و فى اليوم الثانى ذهبت فريده مع عمر الى الكليه فقابلتهم شاهيناز
عمر و هو يقرب منها : متقفيش معاها
قالت فريده هامسه : حاضر ثم قالت بصوت عالى : سلام يا عمر
عمر : سلام خدى بالك من نفسك هاه
فريده : حاضر . انصرف عمر فقالت شاهيناز : مين ده يا ديدا ؟ صاحبك ؟!
قالت فريده بضيق : انا مش بصاحب . ده ابن عمتى و زى اخويا
شاهيناز : ايه الى ضايقك يا ديدا انا بهزر معاكى . جائت ايمان و قد شعرت فريده انا تنقذها
ايمان : صباح الخير يا شاهيناز
شاهيناز بضيق و كره و رسمت على فمها ابتسامه النفاق: صباح الخير يا ايمى
ايمان : يلا يا ديدا المحاضره هتبتدى
فريده و هى تنظر الى ساعتها : اه صح المحاضره هتبتدى . مش هتحضريها يا شاهى ؟
شاهيناز : لأ يا ديدا
فريده : طب عن اذنك يا شاهى
شاهيناز : اشوفك بعدين
فريده : ان شاء الله
انصرفت شاهيناز قالت فريده لايمان : جيتى فى الوقت المناسب
ايمان : انا شفتك و انتى واقفه معاها و حسيتك متضايقه فعشان كده جيتلك
فريده : شكرا يا ايمان بجد مش عارفه اقولك ايه
ايمان : متقوليش حاجه . يلا عشان نلحق المحاضره
فريده : يلا بينا
و فى الجهه الاخرى قالت شاهيناز لنفسها : والله لوريكى يا فريده بقي تسبينى يا فريده عشان البت ديه ماشي .

 

نبذة عن الكاتب

مدير تحرير صوت مصر الحرة

مقالات ذات صله

Powered by www.worldforhost.net