[google05f5c7d94ac18bb8.html]
آخر الأخبار

سمير صبرى يكتب / منظومة العيش اللى عملها فران مش وزير .

سمير صبرى يكتب / منظومة العيش اللى عملها فران مش وزير .

كتب/سمير صبرى

سمير صبرى

شهادة حق امام الله وعن لسان صديق لى قالها :
اولا صديقى هذا يمتلك فرناً للخبز المدعم و هو سعيد جداً بموضوع المنظومه الجديده و مدح فى الحكومه وفى الوزير الجديد و طبعا انا كنت فى غاية الغرابة من مدح صاحب فرن لوزير التموين او فى فكرة اقرها وزير تموين .
ثانياً :سالته ليه كل المدح والشكر ده ومالك فرحان اوى كده من موضوع المنظومه الجديده قال لى بصراحه الموضوع ده اللى عمله فران مش وزير طبعا استغربت قلت له ازاى قال للا لما واحد يقدر من خلال فكره يمنع السوق السوداء ويمنع الغش فى وزن الرغيف ويمنع الرشاوى اللى كانت مفروضه علينا للمفتشين يبقى مش وزير ده اكيد فران .
ثالثاً قلت له يعنى المنظومه الجديده منعت السوق السوداء و بيع الدقيق المدعم و منعت كمان الغش فى وزن الرغيف و منعت الرشاوى معقوله يا صديقى طيب ازاى بس افهم .
رابعاً : قال لى بص ياسيدى احنا كل يوم لازم تنزل لنا فى الفرن 30 شيكارة تمام وبندفع تمنهم فى ساعتها يعنى بنستلم دقيق وبنسلم فلوس قبل حتى ما نخبز اول رغيف تمام الدوله بقى بتحسب لنا الشيكارة 160 جنيه و على فكره الدقيق الزيرو الشيكارة بتباع 165 يعنى كده لو فكرنا نبيع سوق سوداء هنخسر ده بالنسبه للسسوق السوداء تعالى بقى كده و اعرف معايا شويه امور يمكن مستخبيه عند الناس انا لما بينزل لى الدقيق بدفع حقه يعنى انا حصتى من الدوله كل يوم 30*160=4800 دول بدفعهم للدوله وانا بستلم فوراً عشان كده انا مجبر اخلص الكميه اللى عندى و عشان بوزن الرغيف كويس وبياخد وزنه وزياده وبيتخدم صح و عشان كده مبقاش فى مفتشين تموين وعشان كده مبقاش فى طوابير عندنا لان العيش بقى كتير وانا بخبز الكميه كلها
خامساً: شوف بقى انا ليه بقولك ان المنظومة دى اللى عملها فران مش وزير لان الدوله بتديك على كل شيكارة 20 جنيه يعنى تخلص ال 30 شيكارة تاخد 600 جنيه ده غير انك الفلوس اللى بتطلع من انتاج الخبز بتتصرف على العمال و خلافه يعنى بيوصل انتاج الخبز لحوالى 1000 واكتر دى فلوس بتتصرف على اليوميات للصنايعيه الموجودين بالفرن و احنا بيتحط لنا فى الحساب فى البنك 600 .
سادساً: طيب ازاى يا عزيزى انت كده تبقى خسران لانك دفعت مبلغ وقدره 4800 جنيه قال لى بضحك بص انا مجبر على ان اى واحد ياخد منى رغيف عيش يكون معاه البطاقه عشان اضرب له من الجهاز اللى عندى عارف ليه لان الحكومه بتحاسبنى على اللى انضرب فى الجهاز اللى معايا امال هما هيصرفوا لى ازاى حق الشكاير اللى تم خبزها لازم يكون فى دليل و الدليل الجهاز ده و بكده لما ببسلمهم الجهاز وفيه طبعا بيانات كل واحد وخد كام رغيف وباقى له كام رغيف وكده انا بقى كصاحب فرن لما الحكومه بتتاكد انى خلصت الشكاير اللى عندى بترد لى حق ال 30 شيكارة اللى دفعتهم و كمان وبتزود لى عليهم مكسبى فيهم اللى هما 600 جنيه يعنى انا لا اقدر ابيع الشيكارة سوق سوداء ولا اقدر ابيع رغيف بدون بطاقه ولا اقدر اقلل من وزن رغيف عرفت بقى ان اللى عمل المنظومه دى فران مش وزير و كده باخد حقى وزياده وكمان بقبض العمال و مش محتاج ابيع شيكارة سوق سوداء يعنى متحاصر من كل النواحى و كمان خلى بالك الناس كمان بقت تاخد رغيف نضيف لان العمال بقوا ياخدوا يوميات محترمه بقوا يشتغلوا بذمه وضمير و انا كمان عاوز اخلص الشكاير اللى عندى ايه اللى يجبرنى اقلل فى الميزان وانا اصلا عاوز اخلص من الشاير عشان اخد فلوسي اللى دفعتها وعليهم 600 جنيه كمان .
ياه يا حسين بجد مش عارف اقولك ايه والله اول خبر حلو اسمعه من فتره الله يبارك لك يا اخى بجد انا فى منتهى السعاده انى فهمت منك ايه هى المنظومة و ازاى حلت ازمة العيش وحلوة اوى تعبيرك ده اللى عملها فران مش وزير اللهم بلغت اللهم فاشهد .

نبذة عن الكاتب

مقالات ذات صله

google-site-verification: google05f5c7d94ac18bb8.html

Powered by www.worldforhost.net