آخر الأخبار

مى طارق تكتب :الحلقه السادسه من ” فارس احلامى ” .

مى طارق
عادت فريده لاماندا : معلش اماندا انا مضطره اقفل دلوقتى هكلمك لما ارجع.
انهت فريده المكالمه مع اماندا و توجهت الى لبنى مبتسمه : خلصت اهه يا ستى يلا بينا
و قالت لبنى مازحه : كنتى بتكلمى مين يا ديدا . يلا اتكلمى بسرعه كنتى بتكلمى مين ؟
ابتسمت فريده قائله : اماندا صحبتى 
استمرت لبنى فى المزاح مع فريده قائله : على لولو برضه
توترت فريده من كلام لبنى و الى ما تشير اليه : والله اماندا صحبتى
ضحكت لبنى بصوت عالى نسبيا و قالت : مالك يا ديدا اتخضيتى كده ليه انا بهزر مش بحقق معاكى ولا هو في حاجه و انتى مخبيه
فريده : لا والله ابدا مفيش حاجه انا عمرى ما فكرت فى الحب اصلا
لبنى : بس انا اعرف ان البنات فى اوروبا كلهم عندهم صحاب عادى زى ما بنشوف فى الافلام الاجنبي
فريده : بس انا طول عمرى قافله قلبي و مش عايزه احب غير واحد مصرى . كان ليا زمايل ولاد كتير فى انجلترا بس علاقتى بيهم متعددش الزماله . 
تعجبت لبنى : بتتكلمى بجد يعنى انتى عمرك ما حبيتى
فريده : اه والله كل صحابي البنات كانوا بيحبوا و يتحبوا و كانوا يجوا يحكولى عن قصص حبهم بس انا فعلا محبتش
لبنى : طب يلا بينا عشان مش نتاخر 
فريده : نتأخر على ايه الساعه لسه 11
لبنى : هتعرفي لما ننزل . 
خرجت فريده من الغرفه فتفاجئت بعمر و هو يقول مازحا : كل ده تأخير .
تعجبت فريده قائله : انا مش فاهمه حاجه 
عمر : البت لبنى قالتلى انها عايزه تاخدك تفسحك شويه فقلتلها مش ينفع تنزلوا لوحدكوا و انا قاعد فاضي عشان انزل معاكوا .
ازداد تعجب فريده من تصرف عمر معها اهى فهمته خطأ ام انه سيكون اخ لها فعلا ام انه يشفق عليها و خاصه عندما رأها تبكى 
انتبهت فريده الى عمر و هو يقول : يلا عشان نلحق اليوم من اوله
شرد عمر للحظات و تذكر ما قالته له امه و كيف وافق على النزول معهن فلاش باك ” نادت سناء عمر قائله : يا عمر يا عمر
خرج عمر من غرفته قائلا : نعم يا ماما
سناء : بقولك ايه ما تاخد اختك و بنت خالك و تنزل معاهم تفسحهم انا اخاف عليهم هما الاتنين ينزلوا لوحدهم
عمر : هما اصلا نازلين ليه
سناء : اختك حبه تحتفل ببنت خالك و تفسحها يلا انزل معاهم انت كده كده مش وراك حاجه
عمر : طيب يا ماما هنزل معاهم اهه بالمره اصالح فريده عشان انا زعلتها جامد الصبح .
تحدث سناء الى نفسها : ربنا يهديك يا بنى و يهدى سرك و يجعلها من حظك و من نصيبك “
لبنى : هيه يا بنى رحت فين بقالى سنه بنده عليك
انتبه عمر الى كلام لبنى و قال : ايه يا بنتى بتنادى عليا كده ليه هو انا اطرش 
لبنى : بكلمك بقالى كتير و انت ولاانت هنا
عمر : طب يلا يا غلباويه ننزل 
نزل ثلاثتهم و توجهوا الى السياره وقال عمر : عايزين تروحوا فين ؟
قالت لبنى بسعاده: الملاهى 
عمر : ملاهى ايه هو انتى طفلة و بعدين نسأل فريده مش يمكن متحبش تروح الملاهى
لبنى : لأ ماليش دعوه انا عايزه اروح الملاهى . و بعدين ديدا مش هتتضايق ولا حاجة
قال عمر ضاحكا : ديه منظر واحده داخله الجامعة. اعقلي يا لبنى شويه ثم وجه كلامه الى فريده قائلا : عايزه تروحى فين يا فريده
فريده : الملاهى عشان لولو حبيبتى متزعلش 
قال عمر مستغربا : انتوا البنات عليكوا حاجات غريبة .
ضحكت لبنى و فريده على كلام عمر . وصلوا الى مدينه الملاهى فأخذت لبنى تقفزفى سعادة و كأنها طفلة صغيرة اخذها والدها الى مدينه الملاهى لاول مرة اما فريده فبدى عليها الحزن فانتبه اليها عمر قائلا : مالك ياديدا انتى لسه زعلانه منى 
فريده : لا والله يا عمر . بس انا افتكرت بابا كان دايما بيودينى الملاهى هو و ماما وحشونى اوى يا عمر و نزلت من عينها دمعة
فقال عمر و هو يرأف لحالها : الله يرحمهم يا فريده .سكت قليلا ثم اكمل كلامه و هى يحاول ان يخفف عنها قائلا : مش تعيطى يا فريده لو عايزانا نروح مكان تانى نروح هنادى على البت المجنونة الى بتلعب هناك زى العيال ديه و نمشي
مسحت فريده دموعها و ارتسمت على شفتاها ابتسامه صغيره : لأ خلاص انا بقيت كويسه 
عمر : طب يلا نروح نلعب . فريده انا اسف على الى حصل منى امبارح بجد مكنتش اقصد و من النهارده اعتبرينى اخوكى و اى حاجه تحتاجيها تعاليلي و انا هعملهالك على طول انتى زيك زى لبنى ماشي
ابتسمت فريده فقد اسعدها تغير عمر معاها و قالت : ماشي . يلا بينا نشوف لولو راحت فين 
ابتسم لها قائلا : يلا بينا 
مر اليوم سريعا بين الضحك و اللعب و فى المساء قالت لبنى بأسلوب طفولي : انا جعانه
و قالت فريده هى الاخرى بنفس الاسلوب : و انا كمان جعانه
نظر اليهم عمر ضاحكا : حاضر هنروح ناكل . انا كمان جعان عايزين تاكلوا ايه ؟
فريده : بيتزا
لبنى : و انا كمان
عمر : طب يلا بينا . ذهبوا ثلاثتهم الى مطعم البيتزا و اكلوا و عادوا الى منزلهم و فى طريق العوده اخذت لبنى تتحدث الى نفسها قائله : هو ايه الى غيرك كده فجأه يا عمر ده انت من يوم الى حصلك و انت بتعامل كل البنات وحش حتى انا ثم ابتسمت و قالت : شكلك وقعت يا عمر و حبيبتها و لكن سرعان ما اختفت البسمة و قالت : لحق يحبها يعنى دي وصلت امبارح بس ايه الهبل ده اكيد بيعمل كده عشان صعبانه عليه و خصوصا انه زعلها و هى معملتش حاجه . اخذت تقنع نفسها بانه مجرد شعور بالعطف و تمنت بداخلها ان يحبها و ان يتزوجا 
عادوا الى المنزل فقالت سناء :الحمد لله على سلامتكوا يا ولاد
فريده : الله يسلمك يا عمتو
لم تكد لبنى تصل الى البيت حتى توجهت الى غرفتها . فقالت سناء : مالها البت ديه حد زعلها 
عمر : لا والله يا ماما .و اثناء ذلك كانت لبنى تأخد من غرفتها شئ ووضعته فى جيبها ثم توجهت الى المطبخ و احضرت قالب تورته كبير و قالت : مفاجأه .بصي بقي انا عملتلك التورتايه ديه بايدى و انا مش بعملها غير للى بحبه اوووى يا رب تعجبك كان نفسي نحتفل امبارح لكن الله يجازيه عمر بقي قالت تلك الكلمه و هى تنظر الى اخاها بغضب
فقال عمر : خلاص بقي يا لولو المسامح كريم مكنش قصدى والله
لبنى : خلاص يا عمر سامحتك . مدت لبنى يدها الى جيبها و اخرجت منه علبه و قالت : ديه هديتى انا و عمر يا رب تعجبك .
نظر عمر الى لبنى مستغربا فهو لم يشارك فى هذه الهدية ولا يرغب فى مهاداتها فهو لا يشعر اتجاهها سوى بالشفقة

نبذة عن الكاتب

مقالات ذات صله

Powered by themekiller.com anime4online.com animextoon.com apk4phone.com tengag.com moviekillers.com