[google05f5c7d94ac18bb8.html]
آخر الأخبار

مى طارق تكتب :الحلقه الرابعه”فارس أحلامى”.

مى طارق تكتب :الحلقه الرابعه”فارس أحلامى”.

 

أرشيفية

نزلت فريده من السياره وصعدت الى منزل عمتها و عندما فتحت الباب وجدت المنزل مظلما ولكن مع اول خطوه تخطيها فريده داخل البيت اضيئت الانوار و ظهرت لبنى و جائت مسرعه و ضمتها باشتياق و حب : ديدا وحشتينى اوى 
فريده : انتى كمان وحشتينى جدا 
لبنى : لو كنت وحشاكى صحيح كنتى سألتى عليا
فريده : والله كنت بسأل عليكى عمتو و كل مره الاقيكى يا اما نايمه يا اما فى الدروس و بعدين انتى مكلمتنيش ليه 
لبنى : انتى عارفه بقي الثانويه العامه و الدروس و المذاكره
سناء: ده على اساس انك بتذاكرى اوى 
لبنى : ماشي يا ماما ربنا يسامحك ده انا حتى مبقمش من على الكتاب خالص
سناء : سيبك انتى يا فريده من البت اللكاكه ديه لو فضلت ترغى مش هنخلص النهارده . صمتت سناء لثوانى ثم قالت : فين المفاجأه الى انتى محضراها يا بت يا لبنى ولا كنتى بتخلصى منى عشان مكسله تنزلي
لبنى : ايه يا مامتى ده بنت خالى تقول عليا ايه دلوقتى ان انا كسلت انزل استقبلها ايه الكلام ده تؤتؤ مش ينفع طبعا هى تدخل اوضيتها تغير هدومها و لما تخلص هكون جبت المفاجأه 
فريده مازحه : عندك حق يا عمتو . طلعت رغايه اوى و ثم وجهت كلامها الى لبنى قائله : ايه يا لبنى انتى بلعتى راديو خدى نفسك 
لبنى : و انا الى كنت بقول انى هلاقي حد ينصفنى فى البيت ده طلعتى معاهم ايه الحظ ده بس يا ربي
فريده : ههههههههههههه شكلك حلو و انتى مقموصه كده 
لبنى : ايه رايك بقي مفيش مفاجأه
فريده : خلاص خلاص يا لبنى متزعليش منى
لبنى : ناس مبتجيش غير بالعين الحمرا . ثم عقدت حاجبيها و قالت : يلا ادخلى غيرى هدومك.
تحدث عمر لاول مره قائلا بغضب : انتى يا ست لبنى مش وراكى دروس الصبح بدرى مش هتدخلى تنامى بقي يبقي ولا مذاكره ولا نوم
لبنى بصوت منخفض : سكت دهرا و نطق كفرا . 
عمر: بتقولي حاجه يا لبنى 
لبنى : ايه ده انت هنا يا عمر افتكرتهم نسيوك فى المطار 
عمر : مش وقت لماضه . يلا ادخلى نامى و سيبي فريده هى كمان ترتاح
لبنى : و انا مش عايزه انام دلوقتى انا هقعد مع ديدا
عمر بغضب : ابقي اقعدى معاها بكره
قالت فريده و هى تشعر بالحرج : يلا يا لولو ادخلى نامى و بكره نبقي نرغى زى ما انا عاوزين انا كمان تعبانه و عايزه انام
لبنى باسى فقد احرجها طريقه كلام اخوها معها و مع ابنه خالها: حاضر هدخل انام اوووووووف .
دخلت فريده ولبنى الى حجرتهما فقالت لبنى لكى تخفف من اثر كلام اخوها :ديدا متزعليش من عمر . والله عمر طيب اوى بس هو ديه طريقته فى الكلام على طول مدب و مش بيعرف يتكلم حقك عليا متزعليش منه
فريده : ولا يهمك يا لولو انا مش زعلانه ليه حق هو برضه ميعرفنيش و فجأه انا جيت اعيش معاكواهنا لازم يكون متضايق 
لبنى : ايه الى بتقوليه مين ده الى متضايق هو بيقعد في البيت اساسا , بكره تتعودى على رخامته ديه و تخدى مناعه و تبقي زى الفل
فريده : هههههههه و الله انتى عسل يا لبنى انا مكنتش اعرف انك كده و بيقولواعليا انى غلباويه و لمضه ده انا مجيش فيكى حاجه بقي على كده 
لبنى : انتى لسه شفتى حاجه. نامى نامى
فريده: الله يطمنك تصبحى على خير
لبنى:و انتى بخير
و فى الصباح استيقظت فريده مبكرا وجدت عمتها فى المطبخ تعد طعام الافطار 
فريده : صباح الخير يا عمتو
سناء: صباح الخير يا بنتى . روحى صحى لبنى عشان نفطر عاىما اصحى عمر
فريده : حاضر يا عمتو .
و على مائده الافطار قال عمر وهو يوجه كلامه لفريده :و انتى ناويه تعملى ايه ؟ هتستقرى فىمصر ولا هترجعى
فريده : ان شاء الله هستقر هنا فى مصر فاضلي سنتين واتخرج من كليه تجاره . سكتت قليلا ثم استطردت الحديث قائله : معلش يا عمر هتعبك معايا كنت عايزاك تدورى على شقه يا ريت تكون جنبكوا
سناء بغضب : ايه الى انتى بتقوليه ده يا بنتى يبقي بيت عمتك مفتوح و تروحى تسكنى بره لا يمكن ابدا
فريده :انا مش عايزه اضايقكوا . و بعدين انا هكون مرتاحه اكتر
سناء : تضيقنا لأ طبعا تضيقينا ازاى . ديه لو مشالتكيش الارض اشيلك على راسي من فوق
عمر : سيبيها براحتها يا ماما .
سناء :يعنى ايه اسيبها براحتها انت اتهبلت يا عمر ديه بنتى قال اسيبها قال انت يرضيك ان لبنى اختك تسيب البيت و تقعد فى شقه لوحدها
عمر : لأ طبعا و انا رحت فين
سناء : ما تقول لنفسك . فريده اختك زى ما لبنى اختك فاهم ولا لأ
عمر : انا مقصدتش حاجه . هما عوايدهم غير عوايدنا 
تحدث فريده قائله : معلش يا عمر انا متربيه على عوايدنا هنا فى مصر انا مصريه مش انجليزيه عن اذنك يا عمتو
عمر بضيق : انا مقصدتش حاجه
سناءو هى تلكزه فى ذراعه : عجبك كده زعلت بنت خالك. انت ديما كده كلامك زى السم . تقول علينا ايه دلوقتى حرام عليك ديه ملهاش حد غيرنا و المفروض تكون سندها 
عمر : خلاص يا ماما هبقي اعتدزلها لما تيجى
سناء : قوم دلوقتى يلا 
عمر : طيب هخلص فطارى و اقوم
لبنى : هو انت على طول كده همك على بطنك يا اخى قوم كلمها و بعدين كمل اكلك
عمر : طيب هقوم 
توجه عمر الى غرفه فريده و طرق الباب 
فريده :ادخلى يا لبنى 
عمر : انا عمر مش لبنى ممكن ادخل 
فريده و هى تمسح العبرات التى سالت على وجنتيها : ادخل

نبذة عن الكاتب

مقالات ذات صله

google-site-verification: google05f5c7d94ac18bb8.html

Powered by www.worldforhost.net