[google05f5c7d94ac18bb8.html]
آخر الأخبار

مى طارق تكتب: الحلقة الثانية “فارس أحلامى”.

10599247_699858980081200_4006507685926752901_n

فريده : لا والله مش بضحك عليكى انتى فعلا اختى ده انتى حتى مصريه اكتر منى . بتتكلمى عربي احسن منى
اماندا : البركه فيكى ديدا
فريده : انتى عارفه اد ايه بابا كان متمسك انى اتكلم عربي حتى لما اتجوز ماما خلاها هى كمان تتكلم عربي فأنا طلعت بحب العربي اوى و متمسكه بلغتى فعشان كده حبيت اخليكى تتكلمى زيي . بقولك ايه يلا نشترى الحاجات الى عايزنها لاننا لو فضلنا نرغى كده مش هنخلص للصبح
توجهت فريده و اماندا الى المحلات لشراء الهدايا و ملابس لفريده
اماندا : ديدا هى عمتك متجوزه اصلك عمرك ما كلمتنينى عنها ؟
فريده : عمتو كانت متجوزه بس جوزها توفى من سنتين و عندها ولد و بنت ولد اكبر منى بسنتين فى اخر سنه فى كليه تجاره و بنت عندها 18 سنه .
اماندا : قولتيلي
فريده : قولتلك ايه اماندا
اماندا : ولا حاجه ديدا
انتهت فريده واماندا من شراء ما يلزمهم و ذهبت الى منزلها
فريده : انا تعبانه موت . خلاص مش قادره قومى يلا اعملى حاجه نكلها شكلك مش تعبان اماندا
اماندا بأستعباط : انا ده انا تعبانه موت ده انا حتى كنت بفكر ادخل انام
فريده و هى تقزفها بالوساده : عايزه تنامى اماندا
اماندا بضحك : اه
فريده بهزار : قومى روحى اماندا نامى فى بيتكوا مش عايزه حد يبات معايا
اماندا : خلاص خلاص كنت بهزر هو انا اطول اعمل اكل لحبيبتى ديدا ده انتى تأمرى و انا انفذ
فريده: ايوه كده ناس مبتجيش غير بالتهزيق يلا هتنازل و اقوم اساعدك
قامت فريده و اماندا و حضروا الاكل و تعشوا
فريده : تسلم ايدك اماندا هيوحشنى اكلك والله
اماندا : اكلى بس الى هيوحشك
فريده :لأطبعا اماندا و انتى كمان هتوحشينى هبقي اكلمك كل يوم و هبقي اجى ازورك فى الاجازاة وهبعتلك تزورينى فى مصر
اماندا : ماشي ديدا يلا مش هتحضرى الشنط
فريده : اه هروح احضرها و انتى روحى نامى انتى تعبتى معايا النهارده اووووى يلا روحى ارتاحى
اماندا : لأ طبعا اولا انا مش تعبانه حتى لو كنت تعبانه انا مش هسيبك تعملي حاجه لوحدك مش هسيبك غير على باب الطياره لو عليا كنت جيت معاكى على مصر بس انتى عارفه مش ينفع
فريده بتأثر : ربنا يخليكى ليا اماندا انتى نعم الاخت بجد عمرك ما سبتينى فى اى وقت كنت محتاجاكى فيه
اماندا : يلا بينا نحضر الشنط ولا ناويه تسافرى من غيرهم
فريده : ههههههههههههه لأ بس هكلم عمتو اقولها انى جايه بكره
اماندا : ماشي ديدا
اتصلت فريده بعمتها
فريده :مساء الخير يا عمتو
سناء : مساء الخير يا بنتى حجزتى التذكره
فريده : ايوه يا عمتو حجزت التذكره الطباره هتطلع من هنا بكره الساعه 12 الصبح
سناء بفرحه : يعنى هتكونى فى مصر الساعه 2 تقريبا مش كده ؟!
فريده : ان شاء الله يا عمتو
سناء : هتلاقينى انا و عمر مستنينك فى المطار يا حبيبتى متقلقيش
فريده : لا يا عمتى متتعبيش نفسك انا هاجى لوحدى انتى ناسيه انى نزلت مصر قبل كده هعرف اجى لوحدى
سناء : لأ طبعا انتى بتهرجى انا هاجى اخدك طبعا مفيش بنت بترجع فى نص الليل لوحدها حتى لو فيه انا برضه مش هسيبك لوحدك ابدا انا هنا بدل ساره الله يرحمها و بدل محمد الله يرحمه (والد و والده فريده )
فريده : الله يرحمهم . ماشي يا عمتو الى تشوفيه و انا هستناكى
سناء : توصلي بالسلامه يا حبيبتى لا إله إلا الله
فريده : محمد رسول الله مع السلامه يا عمتو
سناء : الله يسلمك
انهت المكالمه مع عمتها و وجهت الى غرفتها حيث توجد اماندا
اماندا : كلمتى عمتك ؟
فريده بهزار : امال كنت بكلم نفسي بره
اماندا : تعرفي انا غلطانه انى بسألك اصلا
فريده : خلاص يا دوده مش تزعلي
اماندا بغيظ : فريده انتى بتغظينى يعنى ما انتى عارفه انى مبحبش اسم ددُه ده
فريده وهى بتضحك : هههههههههههه ما انتى عارفه انى بحب اغيظك .
اماندا : ماشي يا فريده هعديهالك عشان بس انتى مسافره . طنط قالت ايه لما عرفت انك هتوصلي بكره
فريده : فرحت اوى و اصرت انها تيجى تاخدى من المطار و زعلت اوى لما قولتلها مش تتعبي نفسك انا هعرف اوصل لوحدى .
اماندا : ربنا يخليهالك ديدا
فريده : يا رب
و تانى يوم فى المطار اماندا : خلاص مسافره ديدا
فريده : اه اماندا بينادوا على طيارتى اهه
و تانى يوم فى المطار اماندا : خلاص مسافره ديدا
فريده : اه اماندا بينادوا على طيارتى اهه
اماندا و هى تبكى : فريده متسافريش انا هعمل ايه من غيرك هنا انا ماليش صحاب غيرك
فريده وهى تبكى : اماندا بليز متزوديهاش عليا . انا كمان ماليش صاحبه غيرك و مش عايزه ارجع ومش عايزه اسيبك ولا اسيب لندن بس هى جت كده
اماندا : هشوفك تانى مش كده
فريده : ان شاء الله و الله هاجى تانى و هبعتلك تيجى
اماندا : كلمينى لما توصلي مصر
فريده : حاضر والله اول ما الطيارهتوصل هكلمك
اماندا : يلا عشان تلحقى الطياره و ضمتها اليها للمره الاخيره و قالت وهى تمسح دموعها : هتوحشينى يا ديدا هتوحشينى اووووى
فريده و هى تمسح دموعها هى الاخرى: كده مش هحلق الطياره
اماندا : توصلي بالسلامه
فريده : بلاش عياط عشان خاطرى اماندا مش عايزه اسافر و انتى بتعيطى كده
اماندا : خلاص مش بعيط اهه
فريده : سلام اماندا
اماندا : سلام فريده

نبذة عن الكاتب

مقالات ذات صله

google-site-verification: google05f5c7d94ac18bb8.html

Powered by www.worldforhost.net