[google05f5c7d94ac18bb8.html]
آخر الأخبار

الشاعر محمد وفيق يكتب/ قالوا عنى

الشاعر محمد وفيق يكتب/ قالوا عنى

بقلم/محمد وفيق 

10338245_10152434941962107_3861649427368664065_n

قالوا عنى

قالوا عنى كلام كتير
بس مافرقش الكلام
رغم كله كان خطير
كنت اقابله بابتسام
قالوا عنى ساعات عميل
وانى تبع الامريكان
وطلعولى ميت دليل
فضلوا يحكوا كان وكان
قالوا عملا حركوكوا
نزلتوا شقلبتوا الميدان
قالوا حتى قبضوكوا
لجل مصر تكون سودان
بس وحياتك يا بلدى
ان انا واغلب ولادك
كنا نازلين لجل ترضى
حتى كله كان قصادك
ذنبى ايه ان كان جبان
كان مخطط لجل تفنى
بس وحياتك امان
مستحيل فيه شئ حايغنى
كنت نازل اقول حرام
الفقير انداس وتاه
كل ده كان بالكلام
كان بيعلا فى كل اااااه
لاء يناير كنا احنا
حتى لو وسطينا عملا
واحنا حتى اللى اندبحنا
وقالوا يومها امن دولة
هى ثورة. لاء مؤامرة
السؤال مالهوش ردود
بس احنا مش سماسرة
نفسها تبيع الحدود
احنا شوفنا الناس بتنزل
قولنا اه ومعانا قالوا
مستحيل كان حد يقتل
ولا يبيع ارضه وعياله
احنا شعبك وانتى عارفة
اللى باعك واللى خان
يبقى تقفى بجد وقفة
واللى خان مالهوش مكان.

نبذة عن الكاتب

مقالات ذات صله

google-site-verification: google05f5c7d94ac18bb8.html

Powered by www.worldforhost.net