آخر الأخبار

الإجابة دايماً حاتم .. قصة ساخرة بقلم : عاصم صلاح الدين

الإجابة دايماً حاتم .. قصة ساخرة بقلم : عاصم صلاح الدين

تأخر وصول أوتوبيس الجامعة و حتى لم تمر أي وسيلة نقل أخرى متجهة إلى الجامعة و بدأت علامات الخوف من ضياع الوقت تظهر على الطلبة و الطالبات…. اليوم هو الأول في إختبارات العام الدراسي… في تلك الأثناء لمح ” مودى” سيارة شرطة تقترب فأشار لها بالتوقف و تعمد ” مودى” أن يتكلم بلهجة تبدو آمرة لأمين الشرطة الجالس بجوار السائق ” كنوع من التحذلق أمام الطالبات”
مودى : صباح الخير
أمين الشرطة : عايز ايه؟
مودى : لو سمحت حضرتك موش الشرطة في خدمة الشعب؟
أمين الشرطة : فين الشعب دا؟
مودي : انا اهه من الشعب و عايز خدمة
أمين الشرطة : عايز ايه؟
مودى : عايز الشرطة توصلني الجامعة
امين الشرطة : يا سلام انت تؤمرني يا فندم بس يا خسارة مفيش غير مكان واحد بس انت شايف ” البوكس” مليان ثم وجه كلامه للطلبة َ و الطالبات…. معلش كان نفسي اخدمكم كلكم بس زي ما إنتوا شايفين
مودي : انا عايز ألحق الامتحان
أمين الشرطة : إتفضل يا باشا
بعد قليل وصل ” البوكس” إلى مكان لجنة الإمتحان
مودي : ايه دا؟!! دي موش الجامعة انا قلت لك ورايا إمتحان
أمين الشرطة : ما انا هنا ها أعملك إمتحان برضه… أدخل أمين الشرطة ” مودي” إلى داخل ” قسم الشرطة” و قال ل ” مودي”.. دا السؤال الأول طررررراخ و هوى بكفه على وجه ” مودي ”
أمين الشرطة : انا إديتك قلم علشان تجاوب بيه هاهاهاها
مودي : انت بتضربني ليه؟
أمين الشرطة : دا موش ضرب دا إمتحان بس مفيهوش أسئلة آختياري كله إجباري هاهاهاها
السؤال الثاني” طررررررخ” إسمك إيه؟
مودي : مودي
أمين الشرطة : إيه؟
مودى : محمود يا باشا
امين الشرطة : مين يا واد اللي بيخدم مين؟
مودي : انا خدامك يا أمين
امين الشرطة : إسمي حاتم باشا… حاتم إيه طرررررررررخ
محمود : حاتم باشا
حاتم : ايوه كده جدع… شاطر… عايز تروح الإمتحان
محمود : لا خلاص ما انا إمتحنت هنا
حاتم : براحتك… يا إمشي من هنا
محمود يجري مسرعاً ليخرج من القسم و يعود إلى منزله فيسأله والده عن سبب عودته من الامتحان مبكراً
محمود : بابا أنا موش عايز أكمل في كلية الطب
والده متعجبا : ليه؟
محمود : انا عايز أبقى باشا
والده : يعني ايه؟
محمود : حاتم باشا… قصدي أمين شرطة ودا قرار نهائي
تم القبض على أمين الشرطة حاتم بسبب فساده… و تخرج حاتم جديد من معهد أمناء الشرطة.

نبذة عن الكاتب

مدير التسويق والدعاية والاعلان - ومسئول عام الديسك المركزى لجريدة صوت مصر الحرة حالياً . عضو بجمعية حماية لحقوق الانسان ولجنة حماية المستهلك · ‏26 ديسمبر، 2015‏ حتى الآن · الإسكندرية -مدير دعاية واعلان بمجلة السياحة العربية حالياً. -علاقات عامة بوكالة انباء الشرق العربى سابقاً . -لجنة الاعلام بالاسكندرية لحزب الشعب الديمقراطى سابقاً. -مسئول الاسكندرية بجمعية حماية لحقوق الانسان والتنمية . - عضو مؤسس ومدير التحرير بجريدة صوت مصر الحرة سابقاً. -نائب رئيس مجلس ادارة جريدة انباء الساعة سابقاً. -رئيس مجلس ادارة جريدة مدار الساعة.

مقالات ذات صله

Powered by themekiller.com anime4online.com animextoon.com apk4phone.com tengag.com moviekillers.com