آخر الأخبار

ومضة نور

ومضة نور

بقلم /هبه العطفى

اوعى تبطل تتمنى
واوعى تزهق واستنى 
فرحة عمرك هدية ربك
واجمل لحن هيتغنى
ربنا دايما شايل الخير
طول ما انت بتحب الغير
وشايل فى قلبك حب يكفى
كل العالم والكون و الطير
اوعى شيطانك يتملك منك
مش هيتحاسب يوم عنك
وهتبقى وحدك اللى خسران
لانه ضعيف وهيخيب ظنك
خلى فى قلبك رب الكون
واحسن دايما بيه الظنون
قادر يوم يحقق حلمك
ويفرح قلبك بكن فيكون
جمد قلبك واستقوى بربك
خليك واثق دايما من حبك
ومهما الدنيا عملت فيك
مش هتلاقى غيره جنبك
خطى بقى مرحلة الناس
وبطل تستنى منهم إحساس
ده اللى مش هيساعدك منهم
هتلاقيه بيضرك وفى صدرك وسواس
أتخلص من يأسك وانتظارك
محدش اصلا عارف اخبارك
ومين هيهتم بيك اصلا
خليك مع ربك وكمل مشوارك
صدقنى لما هتستغنى هترتاح
وساعتها هتعرف معنى الأفراح
ويمكن تلاقيهم بيتقربوا منك
وتهرب ضلمة قلبك من نور الصباح
ومضة نور هتنورقلبك
هتبقى دليلك فى عتمة دربك
وساعتها هتعرف مين اللى بجد
يستاهل وقتك واخلاصك وحبك
خليك مع ربك هى خلاصة الكلام
معاه بس هتعرف معنى الحب والاهتمام
وهتعيش سعيد فى كل حياتك
وهتسعد بردوا بمسك الختام. ……….. هبه العطفى

نبذة عن الكاتب

مديرة التحرير

مقالات ذات صله

Powered by themekiller.com anime4online.com animextoon.com apk4phone.com tengag.com moviekillers.com