آخر الأخبار

ولدي_الغالي

ولدي_الغالي

بقلم حنان الشيمي
كأي أم مصرية أصيلة أقولكم بعض الأمور لو ابني حبيبي عملها هاعتبره الإبن الصالح
_اوعى ترمي الشربات تحت الكنبة او تحت الكراسي
_اوعى تحط الفوطة المستعملة جوا دولابك 
_اوعى تحط الهدوم الملبوسة في قلب الهدوم النضيفة
_اوعى تحط الكوتشي جوا الشقة ممكن البلكونة وتقفلها كويس
_اوعى تنسى كيس الزبالة اللي بقاله اسبوعين بتحايل عليك تاخده
_اوعى ترمي المشبك اللي حدفتلك فيه فلوس الدرس
_اوعى تنسى تجيب عيش
_اوعى تقفل موبايلك وانت خارج لأن الشيطان هيصورلي حاجات وممكن اكلم صحابك كلهم لحد ماترد عليا
_اوعى تديني التليفون غصم واقتدار عشان اكلم زميلتك في الدرس هبقى مش لطيفة معاها صدقني
_اوعى تعلي صوتك وانا بزعق على اي حاجة هايفة
_اوعى تدخل بالشوز وتدوس على كل السجاجيد
_اوعى تنسى الأطباق والشوك والمعالق اللي بتاخد فيهم الأكل لصحابك وبتسيبهم ولا بترجعهم
_اوعى تنام على كنبة الأنتريه وتسيب سريرك وتقول الدنيا حر
الكنبة باظت
_اوعى تطلب شاي او نسكافيه او تقول حضريلي الغدا وتسيبهم وتنزل جري لحد من صحابك .
_وأخيرا اوعى تقول صحيني الساعة كذا لأني بفضل اصحي لما أصدع وبتقوم برضو زي كل يوم بعد الميعاد مايفوت.
دمت ولدي حبيبي

نبذة عن الكاتب

مديرة التحرير

مقالات ذات صله

%d مدونون معجبون بهذه: